Zyrtarizohet regjimi i ri në spitale, me disiplinimin e orarit të vizitave të familjarëve në spitale. Ministrja e Shëndetësisë dhe Mbrojtjes Sociale, Ogerta Manastirliu, ka firmosur urdhrin për regjimin e disiplinës dhe rregullave për aksesin e vizitorëve në çdo spital universitar, rajonal dhe bashkiak në vend.
![](https://lapsi.al/wp-content/uploads/2019/02/jjjk.jpeg)
Konkretisht, vizitat e familjarëve në shërbimet me shtretër do të kryhen dy herë në ditë, paradite nga ora 12:00 – 13:00 dhe pasdite nga ora 17:00 -19:00.
Ndërsa vizitat në shërbimin e reanimacionit spitalor për familjarët e pacientëve të shtruar në reanimacion do të kryhen dy herë në ditë në orën 11:00-12:00 dhe 18:00 – 19:00. Këto orare do të jenë të afishuara në çdo hyrje spitali dhe pavione.
Sipas Urdhrit të Ministres, spitalet universitare, rajonale dhe bashkiake ngarkohen për të hartuar rregulloret e brendshme, duke marrë masa për të afishuar në çdo hyrje spitali dhe pavione, në stendat e informacionit dhe këto rregulla duhet të ndiqen dhe respektohen nga familjarët e pacientëve të pranuar në shërbimet spitalore.
Kujtojmë se, Ministrja Manastirliu deklaroi marrjen e masave të menjëhershme për disiplinimin e vizitave të familjarëve të pacientëve në spitale, fill pas ngjarjes së disa ditëve më parë, kur një familjar dhunoi fizikisht mjekun roje të urgjencës së spitalit infektiv, ndërsa po i shërbente pacientëve.
Jo shume mire ”keni bere” privoini dhe kete te drejte familjareve te te semureve qe te mos rrine prane tyre se te tera i kini ne rregull.Se spitalet i ”kini”plot me ilace sa dhe doreza per te mjekuar nuk ka .Barnat shkojne dhe i blene neper farmacite jashte spitalit ku dhe serumet jane te detyruar ti blene pale ato medikamentet qe u duhen pacienteve sidomos tek -Onkologjiku-qe ne spitale nuk ki kini .Ate here mosi i lini as te afermit t’ju rrine prane lerini te vdesin si me injeksion me vdekje te ngadalte .Bravo Manastirllica bravo.