Donald Trump deklaroi sot se samiti i tij me Kim Jong Un në Vietnam nuk konkludoi në ndonjë marrëveshje për shkak të kërkesave të Koresë së Veriut për të hequr sanksionet e vëna nga SHBA.
“Në thelb, ata donin që sanksionit të hiqeshin tërësisht, por ne nuk mund ta bënim këtë…”, u tha Trump gazetarëve, pasi bisedimet në kryeqytetin Hanoi të Vietnamit, u ndërprenë.
Presidenti amerikan shtoi se ai nuk është angazhuar për një samit të tretë me liderin e Koresë së Veriut.
“Do ta shikojmë, nëse ndodh, ndodh”, tha Trump duke shtuar se ai nuk kishte planifikuar ndonjë samit tjetër.