Një e moshuar është gjetur e pajetë në Korçë mesditën e sotme.
80-vjeçarja Sanie Demollari është gjetur pa shenja jete në banesën e saj në lagjen 14 në Korçë. Dyshimet kanë rënë mbi djalin e viktimës, 50-vjeçarin Ylli Demollari.
Ai është shoqëruar në polici ku po merret në pyetje. Policia ka nisur hetimet për zbardhjen e ngjarjes.
Ngjarja ka tronditur fqinjët e familjes dhe banorët e tjerë të cilët i njihnin prej vitesh dhe nuk kishin hasur ndonjë problem mes të moshuarës dhe djalit të saj. News 24 raporton se djali ishte i pamartuar dhe jetonte vetëm me nënën, e cila i ka fëmijët e tjerë jashtë.