Pas raportimeve se Koreja e Veriut ka rinisur të zhvillojë programin raketor, Presidenti Donald Trump ka reaguar nga Shtëpia e Bardhë duke thënë se do të zhgënjehej nëse Peniani do t’i rikthehej lëshimit të raketave.
Megjithatë, Trump rikonfirmoi marrëdhënien e mirë me liderin Kim Jong-un. Pamjet satelitore të publikuara në media tregojnë rindërtimin e një stacioni raketor, të cilin Koreja e Veriut kishte premtuar se do ta shkatërronte.
Këto zhvillime vijnë pas dështimit të samitit të dytë mes Trump dhe Kim Jong-un, në Hanoi, pasi Uashingtoni refuzoi kërkesën e Penianit për të hequr menjëherë sanksionet ekonomike.