Tirana renditet ndër vendet me kostot më të lira të jetesës në Europë. Nga 181 qytete të Europës që janë listuar nga Numbeo, portali më i madh që grumbullon të dhëna mbi kostot dhe cilësinë e jetesës, Tirana renditet në vendin e 155.
Megjithatë kryeqyteti i Shqipërisë nuk është më i liri në rajon. Prishtina “ka rrëmbyer” vendin e parë si qyteti më i lirë i Europës. Ndërkohë që ndër vendet e rajonit pas Prishtinës renditet Shkupi, në vendin e 168, ndërsa Tirana është e treta.
Me një diferencë të ngushtë nga njeri tjetri renditen Sarajeva (148) dhe Beogradi (147), ndërsa Podgorica është kryeqyteti më i shtrenjtë ndër gjashtë vendet e Ballkanit Perëndimor sipas Numbeos, duke u renditur në vendin e 143.
Për të përcaktuar indeksin e kostove të jetesës, Numbeo bazohet në 5 indekse të tjera siç janë: indeksi i qirave, indeksi i kostove të jetesës plus qirasë, indeksi i shportës bazë, indeksi i restoranteve, indeksi i fuqisë blerëse të vendasve.
Për sa i përket indeksit të qirave, Tirana është më e shtrenjtë edhe se Sarajeva, e cila në renditjen e përgjithshme është më e kushtueshme se kryeqyteti i Shqipërisë.
![Capture](http://balkanweb.com/wp-content/uploads/2019/03/Capture-9-600x304.jpg)
Por, Tirana renditet me indeksin më të ulët në rajon për sa i përket fuqive blerëse të vendasve. Ndonëse Tirana është e lirë për të huajt që vijnë të jetojnë në Shqipëri, ajo është shumë e shtrenjtë për vendasit. Indeksi i fuqisë blerëse të vendasve është 33.8 në Tiranë, rreth 38.01 në Beograd, 40 në Shkup, 48 në Podgoricë dhe 65.9 në Prishtinë, shkruan Monitor.
Indeksi i fuqisë blerëse 33 në Tiranë do të thotë se vendasit këtu mund të blejnë rreth 70% më pak se njujorkezët me pagë mesatare. Në këtë renditje të Numbeos për kostot e jetesës është marrë si referencë kostot e jetesës në Nju Jork (100) dhe treguesit krahasohen me këtë qytet.
Cilët janë më të shtrenjtët
Zvicra është shteti më i shtrenjtë në të gjithë Europën. Gjashtë qytete europiane mbizotërojnë listën e Numbeos për sa i përket indeksit të kostove të jetesës 2019. Më pas renditen vendet e Europës Veriore si Norvegjia dhe Islanda. Kryeqyteti i Francës renditet në vendin e 14, ndërsa Londra në vendin e 16.
….ore ju te Lapsit…..nuk ju vjen turp qe ilustroni me pamje te sheshit te gjelberuar?!?!?!?!? ku ka me bukur se gunga me pllaka e Lali Erit dhe ne sfond vincat e karabinate qe nuk e lene me qiellin te duket????…ju lutem shikojeni me perparesi, se nuk eshte serioze….nese nuk keni foto, i thoni zyres se shtypit te Bashkise, se ju nisin ata edhe duke gurgulluar uji i burimit, i freskte nga parkingu……he te keqen!!
EBUKUR DHE E LIRE TIRONA DJEMA POR TE KISHIM RROGAT E PARIST . JETO NE PARIS DHE PAGUHU SI NE ADIS ABEBA I THONE KESAJ PUNE . TIRONA ESHTE E LIRE PER POLITIKANET , GJYKATESIT DHE KRIMINELET , DMTH TIRANA ESHTE E LIRE PER ATA QE I KANE LEKE BYTHE DHO PER ATA ME LEKE GJAKU.