Policia e qytetit të Elbasanit ka vënë në pranga dy shtetasit me iniciale, D.K., 34 vjeç, dhe A.S., 44 vjeç, të cilët rezultonin të shpallur në kërkim për ushtrimin e veprimtarisë kriminale të trafikimit të lëndëve narkotike.
Gjykata e Rrethit Gjyqësor në Elbasan ka vendosur më herët ndaj të ndaluarëve, masën e sigurisë “Arrest me burg”, për veprën penale të “Prodhimit dhe shitjes së narkotikëve, kryer në bashkëpunim”.
Në të njëjtën kohë, janë proceduar penalisht shtetasit G.B. dhe A.M., që si pronarë të një subjekti privat, organizonin aktivitetin e jashtëligjshëm të lojrave të fatit. Në cilësinë e provës materiale, forcat policore kanë sekuestruar një pajisje elektronike “ipad”, si edhe një makinetë që dyshohet se përdorej në funksion të aktivitetit.