Një aksident me bilanc tragjik ka ndodhur në orët e para të mëngjesit të sotëm në aksin Elbasan-Tiranë.
Nga kjo ngjarje tragjike numërohen 3 viktima të së njëjtës familje dhe një i afërm i tyre mbeti i plagosur.
Burime zyrtare të policisë raportojnë se në afërsi të TEG-ut, makina me drejtues shtetasin A. A., ka humbur kontrollin dhe ka dalë nga rruga, duke u përplasur me bordurën e rrugës.
Si pasojë e përplasjes humbën jetën Bardhok Bibaj, Valentina Bibaj dhe Florida Bibaj. U raportua se kishte humbur jetën edhe vajza e katërt, Xhuljana, por kur u dha njoftimi ajo kishte kaluar në vdekje klinike në spital, ndërsa tani ndodhet në gjendje kritike.
Raportohet se babai, nëna dhe dy vajzat e tyre kishin qënë duke festuar një ditëlindje në një lokal në Elbasan, para se të ndodhte aksidenti.
Pas festës, rrugës teksa ktheheshin në shtëpinë e tyre në Tiranë ata janë përfshirë në aksident.