Një 30-vjeçar me iniciale B.H, është arrestuar në flagrancë nga policia pasi theu masën “arrest shtëpie” që Gjykata e Rrethit Gjyqësor Elbasan kishte caktuar. Kjo masë iu vendos pasi ishte i dyshuari i vjedhjes së banesës së shtetasit S.Z., ndodhur më datë 08.05.2019 në Peqin.
Shërbimet e Policisë kanë marrë informacion se 30-vjeçari nuk zbatonte vendimin e Gjykatës dhe kanë ushtruar kontroll për verifikim e masës së sigurisë, por nuk e kanë gjetur në banesë.
Pas kontrolleve të shumta, policia e ka gjetur dhe arrestuar në qytetin e Peqinit shtetasin B.H, i cili ishte në lëvizje.
Materialet hetimore i kaluan Prokurorisë pranë Gjykatës së Shkallës Parë Elbasan, pēr veprën penale “Largimi i të burgosurit nga vendi i qëndrimit”.