Këshilli i Lartë i Prokurorisë (KLP) ka miratuar me 9 vota pro projekt-aktin për shpalljen e 9 vendeve të lira në Prokuroritë jurisdiksionit të përgjithshëm të shkallës së parë, për prokurorët e rinj të dalë nga Shkolla e Magjistraturës 2016-2018.
Kreu i KLP-së, Gent Ibrahimi dhe prokurori Gentian Osmani, votuan kundër.
Pozicionet përmbajnë vende vakante në Prokuroritë e Shkallës së Parë në rang Republike. Dy vende vakante paraqiten në Prokurorinë e Korçës, ndërsa kërkohet plotësimi i një vendi të lirë në secilën prej Prokurorive që vijojnë: Prokurorinë e Krujës, të Lezhës, të Beratit, të Pukës, të Vlorës, të Kavajës, të Beratit dhe të Dibrës.