Shtetet e Bashkuara të Amerikës fillojnë sot zyrtarisht vaksinimin masiv ndaj Covid-19 me vaksinën e prodhuar nga gjigandi Pfizer dhe kompania gjermane BioNTech. Miratimi nga FDA i hapi rrugë tashmë autoriteteve shëndetësore që të nisin planin e vaksinimit. Ndër të parët që do të bëjnë vaksinën janë disa zyrtarë të lartë të administratës Trump në Shtëpinë e Bardhë.
Tashmë tre milionë dozat e para po shpërndahen në 50 shtetet amerikane pasi dolën nga fabrika në Miçigan e kompanisë prodhuese Pfizer.