Policia në Danimarkë dhe Gjermani ka arrestuar gjithsej 14 persona nën dyshimin e planifikimit të një sulmi me bombë. Sipas mediave të huaja, trembëdhjetë nga arrestimet u bënë në Danimarkë gjatë një operacioni të madh kundër-terrorizmit të kryer fundjavën e kaluar. Gjithashtu, një person tjetër u arrestua në Gjermani.
Mediat bëjnë të ditur se tre vëllezër sirianë, të moshës 33, 36 dhe 40 vjeç, janë midis të arrestuarve; dy në Danimarkë dhe i treti në Hesse, një rajon në Gjermaninë qendrore. Të tre burrat dyshohen se përgatisnin “një akt serioz dhune që rrezikon shtetin”. Në veçanti, të dyshuarit akuzohen për blerjen e disa kilogramëve kimikate në janar të përdorura për të bërë eksplozivë. Kërkimet e mëvonshme në Danimarkë dhe qytetin gjerman të Dessau gjetën gjithashtu “dhjetë kilogramë pluhur të zi” dhe përbërës të tjerë kimikë. Identitetet dhe kombësia e të dyshuarve të tjerë nuk janë bërë publike, dhe asnjë nga vendet nuk ka specifikuar objektivat e mundshëm për sulmin.