Anija me kontejnerë nga kompania EverGreen ka lëvizur pjesërisht, pas bllokimi në kanalin e Suezi për afro një javë. Megjithatë autoritetet thonë se zhvendosja e plotë mund të dojë pak kohë. Shenja premtuese për lëvizjen e anijes u konstatuan këtë mëngjes kur një pjesë e anijes u lirua nga bregu. Megjithatë për CNN, autoritetet kanë thënë se operacioni do të vijojë kur të ngrihen sërish nivelen e ujit, në orët e pasdites.
“Anija me kontejner filloi të punonte me sukses pasi iu përgjigj manovrave të tërheqjes. Sapo anija të tërhiqet, ne do të rifillojmë lundrimin direkt dhe do ta çojmë në Liqenet e Hidhura.”, tha Osama Rabie, kreu i Autoritetit të Kanalit të Suezit (SCA).