Nëntë persona kanë rënë në prangat e policisë së Tiranës për vepra të ndryshme penale. Ndër ta, është vënë në pranga edhe Gentian Elezi, 32-vjeç, pasi ishte shpallur në kërkim për korrupsion. Elezi është dënuar me 1 vit e 5 ditë burg për shkak se akuzohet se ka marrë ryshfet në kohën kur ka qenë inspektor në drejtorinë e Hetimit Tatimor.
“Specialistët për Hetimin e Korrupsionit bënë ekzekutimin e vendimit penal për shtetasin në kërkim Gentian Elezi, 32 vjeç. Gjykata e Posaçme për Korrupsionin dhe Krimin e Organizuar Tiranë, e ka dënuar 1 vit e 5 ditë burg, për veprën penale “Korrupsioni pasiv i personave që ushtrojnë funksione publike” kryer në bashkëpunim”, thuhet në njoftimin e policisë.