Këtë vit Topi i Artë i shkel syrin Karim Mostafa Benzema dhe trajneri Didier Deschamps ishte i qartë: “Vetëm ai e meriton”. Futbollisti francez me origjinë algjeriane, sulmues dhe kapiten i Real Madrid, është favoriti i madh. Shumë mendojnë se siguri do të jetë ‘Karim the dream’ ai që do të marrë trofeun e lakmuar. Ai do ta marrë nga duart e Zinedine Zidane, i fundit në Francë që ka fituar në vitin 1998. Një revansh për francezin, që u bë në pak më shumë se një vit, një mbret i vërtetë i futbollit botëror.
Mbreti Karim, siç e quajnë të gjithë tani. Pasardhësi i Lionel Messit në trofeun e madh, pati një sezon të jashtëzakonshëm, duke luajtur një rol kryesor në kombëtare. Sulmuesi ka dhënë edhe një kontribut vendimtar në fitoren e Real Madrid në Champions League. Nëse merr trofeun, ceremonia do të nisë duke filluar nga ora 20:00, Benzema do të jetë Topi i Artë më i vjetër pas Stanley Mattheës, fitues në moshën 41-vjeçare.
KONKURRENCA
Një rrugë që tashmë duket e shënjuar për sulmuesin Blancos, edhe pse befasitë janë gjithmonë të mundshme. Messi dhe Neymar nuk do të jenë të pranishëm në ceremoninë e ndarjes së çmimeve këtë vit. Por sigurisht që do të ketë emra të mëdhenj dhe “të bezdisshëm” si Rafael Leao, Robert Lewandowski dhe Mohamed Salah. Së fundmi, ‘të mëdhenjtë’ e rinj Erling Haaland, Kylian Mbappé dhe Dusan Vlahovic gjithashtu mund të jenë të frikshëm për fronin e francezit.
Gjithsesi, duhet thënë se deri tani të gjitha letrat luhen në favor të Benzema dhe sezonit të tij të artë. 34 vjecari e përfundoi atë në mënyrën më të mirë me Real Madrid. Benzema ishte golashënuesi më i mirë në La Liga dhe gjithashtu në Champions League, ku fundosi Chelsean, Manchester City dhe në finale Liverpool.
RISIA
Për t’i ardhur në ndihmë lojtarit, sonte, do të merret në konsideratë edhe periudha sportive për të votuar “më të mirët e vitit”. Kjo do të thotë, jo më viti kalendarik, por sezoni aktual, nga vera në verë. Ky është një modalitet që mund të jetë i dobishëm për të rikthyer pak demokracinë në dorëzimin e trofeut. E gjithashtu për të shmangur që të njëjtat fytyra të njohura, të shpërblehen gjithmonë.