Policia e Elbasanit njoftoi këtë të enjte se kishte parandaluar një ngjarje të rëndë në Elbasan. 2 personat e vënë në pranga janë Luis Gaxha dhe Rigers Spahiu.
Ata akuzohen se do të kryenin ekzekutimin e një biznesmeni të njohur në qarkun e Elbasanit. Sipas asaj që raportoi ABC që citoi burime nga policia lokale, ndërhyrja është bërë në kohë për të ndaluar planin.
Sipas të njëjtave burime “për kokën e të njëjtit biznesmen” ishte paguar edhe Nuredin Dumani, i cili ka rrëfyer gjithçka pas arrestimit. Policia njoftoi se bashkë me 2 personat janë sekuestruar 4 kallashnikovë, dy prej të cilëve ishin të modifikuar edhe me silenciatorë.
Janë gjetur 3 pistoleta me silenciatorë; 2 mina me telekomandë, të gatshme për t’u aktivizuar për shpërthim me komandim në distancë, nëpërmjet aparateve celulare; Kapsolla detonatore; Një sasi lënde plasëse, e dyshuar “C4”; 4 aparate celulare; Sasi e konsiderueshme municioni luftarak, blindshpues.
Rigers Spahiu, vëllai i Arjan Spahiut, i vrarë më 27 nëntor 2020. Ai akuzohet se e ka ndihmuar Gaxhin. ©LAPSI.al