Kryeministri i Kosovës Albin Kurti foli gjatë Forumit të Bledit në Slloveni, në lidhje me tensionet e ndodhura në Veri.
Ai nënvizoi se tensionet mes Kosovës dhe Serbisë duhen ulur patjetër, suke shtuar se Kosova ka marrë të gjitha hapat e nevojshme për de-eskalimin e tensioneve.
Ai gjithashtu shtoi se mezi pret që në katër komunat në veri të Kosovës të mbahen zgjedhjet e reja.
“Ne duhet të ulim tensionet dhe është bërë gati dy muaj që në Veri nuk ka më protesta pranë objekteve komunale. Ëshët zvogëluar me dy herë praninë e policisë së Kosovës në Veri dhe mezi pres të kemi zgjedhjet e reja në 4 komunat në veri”, tha Kurti.
Gjithashtu Kurti theksoi se po punohet intensivisht që Kosova të njihet nga 5 vendet e BE-së dhe të avancojë në proceset integruese.
“Është e vërtetë që 5 vende nuk na njohin, Greqia, Qiproja, Sllovakia, Rumania dhe Spanja, ne po punojmë me ta në mënyrë bilaterale nga pikëpamja diplomatike, por edhe në Bruksel.
Atmosfera me të gjitha këto vende është më mirë se më parë. Ka disa hapa konkretë të vegjël që ne shpresojmë se ata do të ndryshojnë qëndrimin e tyre dhe do të jenë pjesë e vendeve që na njohin.
Një mënyrë si ne përpiqemi të bindim vendet skeptikë është nëpërmjet progresi ekonomik dhe demokratik që është një histori sukesi e dyfishtë e ndërhyrjes së NATO në 1999 për të ndalur gjenocidin e Jugosllavisë së Milloilosheviçit.
Sipas Transparency International dhe Freedom Hosue, Kosova është në krye të 6 vendeve të Ballkanit Perëndimor për shtetin ligjor luftën kundër korrupsionit dhe liritë politike për të drejtat e qytetarëve ndaj jemi optimist për t’u bashkuar me BE-në”, tha Kurti