Manchester City i merr të gjitha në Globe Soccer Awards 2023 në Dubai. Erling Haaland fitoi titullin e lojtarit më të mirë të vitit, ndërsa Pep Guardiola u zgjodh trajneri më i mirë i vitit 2023. Trajneri i Manchester City, i shpallur ekipi më i mirë e vitit, mundi konkurrencën e trajnerit të Argjentinës, Lionel Scaloni. Në garën ishin edhe trajneri i Real Madrid Carlo Ancelotti dhe ai i Inter Simone Inzaghi. Çmimi për talentin më të mirë të vitit shkoi për Jude Bellingham të Blancos.
— Manchester City (@ManCity) January 19, 2024
Përveç yllit të Real Madrid, u vlerësua edhe Cristiano Ronaldo me çmimin “Maradona Aëard” si golashënuesi më i mirë i vitit, pasi ka shënuar 54 gola në 59 ndeshje në vitin kalendarik 2023. Jorge Mendes u shpall menaxheri më i mirë i vitit, Ederson dhe Rodri të Manchester City si portieri më i mirë dhe mesfushori më i mirë i vitit. Çmim ka marrë edhe Cristiano Giuntoli, CEO i Juventus, si drejtori më i mirë sportiv i vitit. Aitana Bonmatì rrëmbeu sërish çmimin lojtarja më e mirë e vitit 2023.
👏 @BellinghamJude 🔝
🏆 #GlobeSoccer Award for Emerging Player of 2023!#RealFootball | @Globe_Soccer pic.twitter.com/qXmnrD2Mcs— Real Madrid C.F. 🇬🇧🇺🇸 (@realmadriden) January 19, 2024
John Terry mori çmimin e karrierës. Momenti i dorëzimit ishte prekës me ish-kapitenin e Chelsea, i cili ia kushtoi çmimin Gianluca Viallit, ish-trajnerit të tij te ‘Blues’, të ndarë nga jeta pak kohë më parë.
A deserving honour for John Terry, the stalwart defender from Chelsea and England, as he receives the PLAYER CAREER AWARD from HH Sheikh Mansoor Bin Mohammed Bin Rashid Al Maktoum at the Globe Soccer Awards ceremony! ✨🏴🏆 pic.twitter.com/M6clPnAjzx
— Globe Soccer Awards (@Globe_Soccer) January 19, 2024
HAALAND: “U MËRZITA DUKE MOS LUAJTUR”
Pasi mori çmimin e lojtarit më të mirë të vitit 2023, Haaland doli në skenë për të falënderuar dhe thënë disa fjalë. “Grupi i Manchester City është fantastik, ka njerëz të jashtëzakonshëm dhe një trajner që nuk është i keq – deklaroi sulmuesi -. Mbështetja që ne lojtarët marrim nga drejtuesit është me të vërtetë fenomenale. Jam i lumtur që jam në këtë klub. Unë kam ende muzikën e Champions League në telefonin tim, është një kompeticion që e dua – shtoi ai – ishte një ëndërr e madhe kur e fituam, një emocion fantastik. Shpresoj të rikthehem së shpejti në fushë, jam lodhur duke mos luajtur”, ka përfunduar sulmuesi i City i cili prej rreth një muaji është i padisponueshëm për shkak të dëmtimit në ndeshjen kundër Aston Villa dhjetorin e kaluar.
🏆 Congratulations to ERLING HAALAND on winning the 2023 #GlobeSoccer Award for BEST MEN’S PLAYER 👏@ErlingHaaland pic.twitter.com/nn7TM6CjLn
— Globe Soccer Awards (@Globe_Soccer) January 19, 2024