Sali Berisha nuk e ka komentuar ende marrëveshjen që Gaz Bardhi në emër të PD arriti me PS-në për rikthimin në normalitet të jetës parlamentare. Në fjalimin e sotëm prej ballkonit para mbështetësve të tij, Berisha përsëriti idenë për qeveri teknike.
“Miqtë e mi, ka ardhur koha në një betejë në mosbindje civile, t’i shkurtojmë ditët kësaj qeverie. Të krijojmë qeverinë teknike në mënyrë që shqiptarët të zgjedhin me votën e lirë përfaqësuesit e tyre. Të votojnë me votën e lirë opozitën dhe unë i garantoj qytetarët shqiptarë se PD do bëjë gjithçka për një ndryshim të shpejtë, të plotë, të fuqishëm të gjendjes katastrofale. Po dhe po. Në Shqipëri nuk do sundojnë bandat, po do sundojë ligji dhe vetëm ligji”, tha Berisha.
Me marrëveshjen e sotme, PD do t’i rikthehet normalitetit teksa PS pranon ngritjen e dy komisioneve hetimore për cështjen e TIMS dhe koncensionet e shëndetësisë. Për komisionin e reformës zgjedhore PS do të vijojë të bashkëdrejtojë me Lulzim Bashën ndonëse duket se tashmë ky komision e ka humbur rëndësinë. ©LAPSI.al
Akoma me kete ju.
Iku ky. Ka kry pune.
Ta dhjenë ” demokratët”!