Video/ Marusic i jep fitoren Tudor në të 93': Lazio thyen një Juventus pa sulm e gjithnjë në krizë

Aventura e Igor Tudor te Lazio fillon me një goditje të rëndësishme në frymën e fundit. Në javën e 30 të Serie A, bardhekaltrit mposhtën Juventus 1-0, duke fituar terren në renditje dhe duke vërtetuar krizën e njerëzve të Allegrit në zonën e Champions League. Në Olimpico në pjesën e parë Castellanos humbi disa mundësi të rëndësishme. Më pas Szczesny ndaloi Felipe Anderson, ndërsa Mandas ishte gati në dy goditje të Chiesa. Në pjesën e dytë, pas shumë ekuilibri në fushë, pastaj vendosi Marusic (93′) në shtesë, duke befasuar Juventus me kokë, në asistin e Guendouzi.

Juventusi është përtokë, i rraskapitur dhe zemërthyer. Bardhezinjtë jo vetëm që nuk dinë më të fitojnë, por humbasin në Olimpico në frymën e fundit për shkak të një goditje të Marusic, i mbuluar nga Sekulov, në debutimin e tij në Serie A dhe i hedhur në fushë në fund nga një Allegri, që duket po aq i hutuar sa ekipi i tij. Tani Bolonja ka mundësinë të shkojë në -3 dhe madje tani edhe Champions League vihet në rrezik. Zgjedhjet e trajnerit dhe gjithashtu menaxhimi i ndeshjes janë të diskutueshme. Nga ana tjetër, Tudor debutoi me një fitore shumë të çmuar për zonën Europiane.