Merr fund aventura me shantazh e një 39-vjeçari në Korçë. Kreshnik Aliaj u arrestua nga policia, pasi dyshohet se kërcënonte qytetarët për t’u marrë para.
Një nga rastet e zbardhura është ai ku 39-vjeçari Kreshnik Aliaj, kërcënonte në rrjetet sociale një 37-vjeçar.
Sipas policisë, Aliaj e kishte kanosur me jetë 37-vjeçarin duke i thënë se do ta vriste nëse nuk do t`i jepte një shumë prej 2 mijë eurosh.
Ngjarja duket se është më e rëndë, pasi burime për Syrin, tregojnë se Kreshnik Aliaj nuk ishte mjaftuar vetëm me rrjetet sociale në shantazhin ndaj qytetarit. Ai dyshohet se e ka përndjekur atë duke i bërë edhe foto, si formë presioni për t`i zhvatur shumën e 2 mijë eurove.
Ky është vetëm një nga episodet e zbardhura, pasi dyshohet se i arrestuari e ka kryer këtë veprimtari edhe me të tjerë persona.
Tashmë Kreshnik Aliaj do të hetohet për veprën penale të shtrëngimit me anët ë kanosjes ose dhunës për dhënie pasurie.
Policia ndërkohë njofton se materialet i janë kaluar Prokurorisë për veprime të mëtejshme si dhe për dokumentimin e plotë të veprimtarisë së 37-vjeçarit të arrestuar.
O SA KAR ME KEN SHQIPTAR