Dy Nicolò mbajnë në ankth teknikun Spalletti: Barella e Fagioli rrezikojnë Shqipërinë

Stërvitja e parë për kombëtaren e Italisë në Iserlohn, në kuadër të debutimit të tyre në Euro 2024 të shtunën e 15 qershorit kundër Shqipërisë. Skuadra e drejtuar nga Luciano Spalletti doli në fushë nën entuziazmin e rreth 5000 tifozëve, pothuajse të gjithë italianë që jetonin në Gjermani. Në funksion të debutimit të tij, tekniku ka probleme në mesfushë. Nicolò Barella, i cili humbi testin e fundit kundër Bosnjës për shkak të një tendosje muskulore, ka kryer punë të diferencuar në fushë. Nicolò Fagioli, nga ana tjetër, ka kryer punë të diferencuar në palestër për shkak një lodhje të ndjerë pas miqësores me Bosnjen.

Lexo më tej: Italia në ankth, testet përcaktojnë nëse Barella do të jetë kundër Shqipërisë: edhe Sylvinho pret lajmet

Seanca e parë stërvitore në stadiumin Hemberg në Iserlohn filloi pak pas orës 16:30. Lojtarët e Italisë, të udhëhequr nga Spalletti, fillimisht dolën përreth fushës për të përshëndetur të gjithë tifozët e pranishëm. Kore dhe duartrokitje për të gjithë. Pritja e tifozëve për ekipin kombëtar ishte shumë e ngrohtë.

SPALLETTI TIFOZËVE: “JENI EDHE JU NJË NUMËR 10”

“Jeni edhe ju një numër 10 i yni!”. Kështu trajneri i kombëtares Luciano Spalletti, në një postim në profilin e tij në Instagram, u është drejtuar tifozëve të shumtë italianë që dje mirëpritën delegacionin italian me mbërritjen e tij në Iserlohn, në kuadër të Euro 2024. Trajneri ka postuar edhe një video me imazhe të marra direkt nga celulari i tij nga brenda autobusit të kombëtares.