Antonhy Gordon u paraqit për stërvitjen e Anglisë në Spa & Golf Resort Weimarer Land në Blankenhain këtë mëngjes, me një prerje të keqe në mjekër dhe disa gërvishtje në duar. Sulmuesi i Newcastle, i cili ende kishte në fytyrë buzëqeshjen e tij, u rrëzua me biçikletë ndërsa po pedalonte përgjatë shtigjeve të pyllëzuara në fshatin përreth vendpushimit në kampin stërvitor të Anglisë.
![](https://lapsi.al/wp-content/uploads/2024/06/gordon-2-260x300.jpg)
Një incident pa pasoja të rënda, por që e ka tërbuar teknikun e Tre Luanëve Gareth Southgate. Impakti i Anglisë në Euro 2024 nuk ka qenë ai i një pretendente të madhe për trofeun, pavarësisht kualifikimit në 1/8. Vetë tekniku është në shënjestër të kritikave dhe Southgate nuk dëshiron të humbasë lojtarë përpara ndeshjes kundër Sllovakisë, sidomos për arsye aksidentale.
Lexo më tej: Video / Euro 2024, mbyllen pa gola ndeshjet e treta në grupin C: Anglia përfundon e para, Serbia jashtë kompeticionit
Gordon ka dalë rregullisht në stëvitje, por një konfrontim me teknikun ka qenë i pashmangshëm, përpara se sulmuesi i Newcastle të fokusohej te përgatitjet në vigjilje të ndeshjes së të dielës.