Ministri i Punëve të Jashtme të RMV-së, Timço Mucunski ka deklaruar se ka folur me ministrin e Jashtëm të Shqipërisë, Igli Hasani gjatë qëndrimit në forumin e Dubrovnikut për çështjen e shifrace të Censit.
Regjistrimi zbuloi se mbi 7 000 shtetas shqiptarë u identifikuan si bullgarë ndërsa më pak se 2 300 u deklaruan si maqedonas, një rënie e konsiderueshme nga 5 500 e regjistruar në censin e 2011.
Ministri i jashtëm i RMV-së tha se menjëherë pas daljes së shifrave janë kontaktuar autoritetet shqiptare për të korrigjuar gabimin e pretenduar nga Shkupi zyrtar.
“Hasani më njoftoi se për atë pyetje kishte një gabim teknik. Sinqerisht do të them se i jam mirënjohës për ndërhyrjen e shpejtë”, – tha Mucunski në një prononcim për mediat. Ai tregoi se së bashku me kryeministrin Hristijan Mickoski e kanë ndjekur me vëmendje situatën.
Përveç përdorimit të termit “Maqedonasit e Veriut”, ministria e Jashtme e RMV ka reaguar edhe për rezultatet paraprake të regjistrimit të popullsisë, të cilat, sipas saj nuk pasqyrojnë numrin real të maqedonasve etnikë në Shqipëri.
INSTAT ia atribuoi këtë rënie të ndjeshme kryesisht emigracionit. Rezultatet e regjistrimit, të cilat treguan krijimin e një pakice bullgare dhe një rënie të ndjeshme të numrit të maqedonasve, u cilësuan si befasuese nga mediat në Maqedoninë e Veriut. ©LAPSI.al
Per te marre pashaporte te nje vendi te BE e kane bere.
Edhe sepse Maqedonet jane Bullgare aq sa edhe Kosovaret jane Shqiptare
Per te mare nje pashaporte qe te çvendosen ne Europe jo vetem pakicat jo shqiptare por te gjithe shtetasit e kesaj palo republikekane per borç te marin çfardo lloj kombesie.
Mire e bejne, jo po do presin moterqirat e politikes. Paska ngel ky shulja Timço cobanski te marri mend nga bolja igli kari.