Prokuroria e Korçës njoftoi të enjten më 4 korrik caktimin e masës së sigurimit personal të pezullimit të detyrës ndaj 17 punonjësve të policisë, të cilët dyshohet se përfituan mbi 500 mijë euro me fatura fiktive për dieta ushqimore dhe fjetje në hotel.
Sipas prokurorisë, punonjësit e policisë nën akuzë shoqëronin forcat e FRONTEX-it në sigurimin e kufijve të gjelbër.
Bazuar në këto rrethana, janë pezulluar nga detyra për veprat penale “Shpërdorim i detyrës” dhe “Korrupsioni pasiv i personave që ushtrojnë funksione publike” 19 persona, ku veç efektivëve të policisë, edhe dy persona të sektorit të financës në stacionin e Policisë Kufitare në Kapshticë.
Nën hetim për veprën penale “Falsifikimi i dokumenteve” janë edhe dy përfaqësues të subjekteve tregtare, të cilët akuzohen se kanë siguruar faturat fiktive. Ndaj tyre është caktuar masa e sigurimit personal “Detyrimi për t’u paraqitur në policinë gjyqësore”.
Prokuroria sqaron se nga hetimet ka rezultuar se punonjës të caktuar me shërbim në kuadër të operacionit FRONTEX, janë rimbursuar padrejtësisht në shumën 574 mijë euro, nga të cilat 452 mijë euro janë faturuar në favor të oficerëve të strukturave të tjera, të caktuar me Urdhër të Drejtorit të Përgjithshëm të Policisë së Shtetit dhe 121 mijë euro për efektivët e policisë vendore Korçë.
“Nëpërmjet faturave fiktive, të ndihmuar dhe nga subjektet tregtare, këta punonjës kanë përfituar edhe pse shumica prej tyre të komanduar me shërbim në FRONTEX, janë të akomoduar në shtëpi me qira të cilët nuk e kalojnë vlerën e 200 Eurove në muaj për 3-4 persona të akomoduar ose vendbanimin e kishin në Bashkinë Devoll,” tha prokuroria. /BIRN
ooooo burra para me vjedhje haaaaa te gjithe hajdute a ka mbetur ndonje i ndershem ne ate vend, kurva ,mashtrusa pedofila ,kriminela vrases me pagese,bythlepiresa,legena dhe ne fund populli dele qe i thojne ketyre qe i vjedhin bravo i qofte jane te zotet dhe ne fund i japin voten per ti vjedhur perseri edhe 4 vjet haaaaaaaaaaa.
Djajte jane te lire, te rrojne partite e moterqirajve.