Mbappé dërrmohet nga tifozët për atë që bëri në pushim të Spanjë-Francë: “E turpshme”

Me fuqi të madhe vjen përgjegjësia e madhe. E kur gjërat shkojnë keq, përgjegjësitë e parespektuara bëhen akuza të egra. Kylian Mbappé është një nga futbollistët më të mirë në botë, Franca priste që ai të bënte diferencën në këtë Europian dhe në vend të kësaj erdhi paraqitja shumë zhgënjyese e 25 vjeçarit. Ndoshta e ndikuar edhe nga thyerja e hundës që pësoi në ndeshjen e parë, pas të cilës ai u detyrua të luante me një maskë që i kufizoi rëndë shikimin. Edhe në humbjen gjysmëfinale ndaj Spanjës, Mbappé ishte një fantazmë, por një gjest e rëndoi edhe më shumë në sytë e tifozëve: shkëmbimi i fanellave me kundërshtarin gjatë pjesës së parë.

Lojtari i ri i Real Madrid u godit pa mëshirë nga shtypi francez: L’Equipe i dha atij notën 3, që nuk ka nevojë për argumente të mëtejshme. Sipas të dhënave, shenjë prej tij në Gjermani ka mbetur vetëm një gol i shënuar me penallti. Për pjesën tjetër një mungesë teknike që është akuzuar edhe si e shpirtit të garës: jo qëndrimi i kërkuar nga një lider.

SHKËMBIMI I FANELLËS ME YAMAL

Imazhet në lidhje me kthimin e Mbappé në dhomat e zhveshjes përdoren si shembull i gjithë kësaj. Pas një pjese të parë të tmerrshme, si personalisht ashtu edhe si ekip, sulmuesi francez mendoi se ishte më mirë të shkëmbente fanellën me një lojtar spanjoll, në vend që të nxitonte në barkun e Allianz Arena në Mynih për të motivuar shokët e tij në funksion të revanshit që tifozët prisnin pas kthimit në fushë. Një revansh nga i cila më pas nuk u pa asnjë gjurmë.

Lexo më tej: Video/ Golashënuesi më i ri ndonjëherë në Europian, Yamal shpërthen ndaj Rabiot: “Tani, flisni!”

Mesa duket, kundërshtari me të cilin Mbappé ka shkëmbyer fanellën ishte Lamine Yamal, i cila në pjesën e parë kishte shënuar golin e bukur që barazoi përkohësisht rezultatin. Një trashëgimi e rëndësishme, pra, edhe në dritën e karrierës së ardhshme të futbollistit shumë të ri të Barcelonës. Një motivacion që nuk e shpëtoi kapitenin francez nga masakra sociale kur u shfaqën pamjet në fjalë: “Arriti vërtet tashmë te shkëmbimi i fanellave? Është e turpshme”, ishte një nga komentet më të përdorura.