Është zbuluar shkaku i vdekjes së aktores së njohur të filmave për të rritur, Jesse Jane, e cila u gjet e pajetë në moshën 43-vjeçare së bashku me të dashurin e saj Brett Hasenmueller në shtëpinë e tyre në Moore, Oklahoma.
Portali amerikan TMZ raporton se sipas zyrës së ekzaminuesit mjekësor të Oklahoma City, ylli i industrisë së filmave për të rritur në fillim të viteve 2000, humbi jetën nga një mbidozë aksidentale e fentanilit dhe kokainës.
Jesse Jane, e lindur më 16 korrik 1980, me emrin e vërtetë Cynthia Ann Howell, e filloi karrierën e saj si kamariere në “Hooters” dhe një konkurrente në konkurset e bukurisë.
Ajo u bë një nga yjet më të mëdhenj në industrinë pornografike të kohës së saj, duke debutuar me “Digital Playground” në vitin 2002 dhe duke fituar famë në “Family Business” të Showtime.
Ajo arriti një popullaritet masiv me serialin pornografik ‘Pirates’, veçanërisht duke shkëlqyer në vazhdimin ‘Pirates II: Stagnetti’s Revenge’, një prodhim që kushtoi 8 milionë dollarë dhe konsiderohet si një nga filmat porno më të shtrenjtë në histori.
Jane u bë e njohur edhe përmes bashkëpunimeve të saj me Playboy në shfaqjet ‘Night Calls’ dhe ‘Naughty Amatore Home Videos’.
Në vitin 2009, ajo mori pjesë në dokumentarin CBS “Porn: Business of Pleasure”, i cili dha një vështrim të brendshëm në përvojat e jetës reale brenda industrisë së filmave për të rritur.
Jesse Jane, e cila u tërhoq nga industria e pornografisë në vitin 2007, u shfaq gjithashtu në prodhimet kryesore të Hollivudit. Ajo pati role në filmin ‘Starsky & Hutch’, serialin e njohur ‘Entourage’ dhe ‘The Bad Girls Club’. ©LAPSI.al
Nje pleher me pak