Diskutimet/ Rama mbledh sot në kryeministri krerët e bashkive të vendit

Kryeministri Edi Rama do të mbledhë rreth orës 10:00 në kryeministri, kryetarët e bashkive të vendit.

Sipas raportimeve, në fokus të diskutimeve do të jenë çështja e pronave dhe legalizimet, për të cilën kryeministri ka kërkuar t’i jepet fund njëherë e mirë, si dhe ecuria e sezonit turistik.

Pas kësaj mbledhje, Rama pritet të udhëtojë drejt Britanisë, në mbledhjen e Komunitetit Politik. Në takim me kreun e qeverisë do të jenë dhe kryebashkiakët e djathtë.