Adrien Rabiot nuk do të jetë më lojtar i Juventus. Lajmi, në ajër prej disa ditësh duke pasur parasysh kontratën që skadon më 30 qershor, do të bëhet zyrtar pasditen e sotme kur Cristiano Giuntoli, para prezantimit të teknikut Thiago Motta, do ta shpallë për të gjithë. Asgjë për të cilën Juventus nuk ishte përgatitur, aq sa mesfusha ishte reparti i revolucionarizuar me energjinë dhe shpenzimet më të mëdha ekonomike. Gjithsesi, bardhezinjtë bënë një tentativë, sepse të kishin Douglas Luiz, Thuram, Rabiot dhe, të paktën në ide, Koopmeiners atje në mes, nuk do të ishte aspak keq. Por, duke vënë në tryezë një kontratë dyvjeçare me opsion rinovimi për vitin e tretë me 7.5 milionë euro në sezon, Giuntoli thjesht mori refuzimin e francezit që ka dashur të vazhdojë me një tjetër aventurë.
Tre janë mundësitë për Rabiot: Premier League, ku ai vetë ka thënë gjithmonë se donte të shkonte për të luajtur herët a vonë, Real Madrid (Carlo Ancelotti e ka stërvitur në Paris) dhe, e fundit, por jo më pak e rëndësishme, Milan, për të cilin megjithatë duhet kapërcyer një pengesë veçanërisht e ndërlikuar në lidhje me pagesën.
Lexo më tej: Repubblica zbulon lajmin e bujshëm, Rabiot larg Juventusit: “Ja oferta e Milan për të”
Çështja gjithashtu mund të zgjidhet shpejt, por ka më shumë gjasa, duke e njohur si Rabiot dhe nënën e tij Veronique, që nuk do të ketë shumë nxitim. Nëse në tavolinën e tij nuk vjen një propozim aq intrigues, ekonomikisht dhe si projekt, sa të gjithë mund të bien dakord menjëherë.