Edhe Presidenti i Inter, Giuseppe Marotta, është gjithashtu ndër përfituesit e pronave prestigjioze të dhëna me qira VIP-ave me gjysmë çmimi në zemër të Milanos. Sipas një vlerësimi të bërë nga Agjencia e Territorit, ka patur shifra deri në një të dhjetën e asaj që duhet të ishin, për shtëpitë e dhëna me qira drejtuesve apo profesionistëve në zona shumë të çmuara. Në rastin e interistit Marotta, për apartamentin 120 metra katrorë në zemër të Brera, presidenti paguante 19 mijë euro në vit qira, kundrejt 42 mijë eurove të vlerës së tregut.
Menaxherët, profesionistët ose VIP-at, të gjithë qiramarrës të shtëpive të Pio Albergo Trivulzio, një institucion historik i mirëqenies sociale, pronar i aseteve të mëdha të pasurive të paluajtshme mes Milanos dhe zonave përreth (rreth 1250 akomodime) gëzonin një trajtim të veçantë preferencial me situata domothënëse për shkak të hendekut mes qirasë së paguar dhe qirasë aktuale të tregut.
Lexo më tej: Marotta presidenti i Inter, zgjidhet edhe bordi i ri zikaltër: kush janë njerëzit e Oaktree
Jo vetëm Marotta – raporton La Repubblica pasi ka konsultuar dokumentet -. Pier Filippo Giuggioli, president i Unionit të pronarëve të vegjël dhe president i komitetit të qiramarrësve të ndërtesës ku jeton, paguante 32.500 euro në vit për një apartament mbi 200 metra katrorë që duhet të kushtonte më shumë se dyfishi i asaj sipas Observatorit të Tregut të Pasurive të Agjencisë së të Ardhurave.
Një rast i bujshëm ka të bëjë me një apartament të dhënë me qira në zonën Washington për një ish-zyrtar të Ministrisë së Brendshme për 2500 euro në vit, ndërsa vlera e saktë duhet të ishte 10 herë më e lartë.