Federico Chiesa dhe Lucia Bramani u betuan për dashuri të përjetshme për njëri-tjetrin në katedralen e San Lorenzo në Grosseto. Në fakt, martesa mes sulmuesit të Juventus dhe kombëtares italiane dhe modeles Lucia Bramani u krye paraditen e sotme në Katedralen e kryeqendrës së Maremma.
Qindra njerëz kureshtarë u vendosën jashtë kishës që herët në mëngjes, më pas pasdite mijëra njerëz mbërritën nga e gjithë Toskana dhe nga jashtë rajonit për të ndjekur nga afër ditën e madhe. Sheshi ishte i kufizuar nga barriera, për të mos penguar dasmorët. Me të mbërritur në Duomo, para ceremonisë, Chiesa, i veshur me një kostum gri të errët, u ndal gjithashtu për të nënshkruar autografe dhe për të bërë foto me tifozët.
Fede che firma le maglie della Juve anche al suo matrimonio, lo odio pic.twitter.com/EsUsEfD6gR
— 𝓥𝓪𝓷𝓮𝓼𝓼𝓪 🌻 (@vane___96) July 20, 2024
Lexo më tej: Chiesa, Thiago Motta i bën dalje: komplikohet rinovimi me Juventus
Mes të ftuarve ishin Nicolò Pirlo, djali i ish-lojtarit dhe trajnerit të Juventus dhe gruaja e Manuel Locatelli, Thessa Lacovich. Michela Persico, bashkëshortja e futbollistit të Juventus, Daniele Rugani, kishte zgjedhur një fustan portokalli. Çifti, pas një duartrokitjeje të gjatë në dalje të katedrales, u drejtuan drejt kështjellës Vicarello, një vendndodhje në Poggi del Sasso, në komunën e Cinigiano.