Në pritje të lajmeve të rëndësishme në frontin Osimhen-Psg dhe një “zbritje” nga Chelsea për Romalu Lukaku, një tjetër e dhënë vjen nga rrjetet sociale. Një detaj që afron gjithnjë e më shumë Big Rom me Napolin. Pas pëlqimeve në prezantimin e Antonio Conte në Castelvolturno dhe kalimit të ish-shokut të skuadrës Leonardo Spinazzola te të kaltrit, ish-sulmuesi i Romës ka bërë që të zhduken nga profilet e tij të gjitha fotot ku shfaqet me fanellën e ish-skuadrave. Një lëvizje që nuk ka kaluar aspak pa u vënë re dhe që mund të përgatisë terrenin për një mbyllje të mundshme të afërt të negociatave për transferimin e tij në hijen e Vezuvit.
“Një e dhënë është një e dhënë, dy të dhëna janë një rastësi, por tre të dhëna janë një provë”, thotë Agatha Christie. E kështu manovrat e fundit në rrjetet sociale të belgut Lukaku duket se të gjitha të orientojnë në një drejtim. Lojtari, tani nuk është mister, mezi pret të ribashkohet me teknikun e tij të preferuar Conte, te Napoli. Dyshja që funksionoi aq mirë te Inter, nuk humbet asnjë rast për të dërguar mesazhe në këtë kuptim. Indikacione indirekte, padyshim, por që lënë pak dyshime për qëllimet e sulmuesit belg dhe dëshirën e tij për të veshur fanellën blu, pas periudhës së tij te Roma.
Lexo më tej: “Do të kthehem te Anderlecht”: Lukaku sposton Milan, por i shkel syrin Napolit: “Conte më i miri”
Një parantezë tashmë e mbyllur përfundimisht nga Big Rom, i cili në orët e fundit ka hequr të gjitha fotot me fanellën verdhekuqe dhe ka lënë në profilet e tij vetëm disa imazhe personale që nuk kanë lidhje me futbollin. Të gjithë presin aventurën e radhës në fushë. Lukaku pastron edhe “hapësirat” në rrjetet sociale: Napoli më afër?