Ndodhi gjithçka në fundin e Argjentinë-Marok, e vlefshme për Lojhërat Olimpike. Pas barazimit 2-2 në minutën e 105′ realizuar nga Medina, tifozët marokenë pushtuan fushën (dhe hodhën shashka), duke detyruar lojtarët Albiceleste të largoheshin nga fusha. Pas dy orësh ndeshja, e ndërprerë fillimisht, rifilloi për tre minuta, me arbitrin që anuloi golin e barazimit të shënuar nga Argjentina.
Lojërat Olimpike Paris 2024 nisën dy ditë më herët për turneun e futbollit. E startoi menjëherë me një figurë të shëmtuar globale në ndeshjen që Argjentina luajti ndaj Marokut. Gjithçka shkoi mirë derisa Albiceleste barazoi (2-2) pas 16 minutash shtesë, me autor Medina. Në atë moment, tifozët marokenë vendosin fillimisht të hedhin objekte dhe shashka ndaj lojtarëve amerikano-jugor dhe më pas pushtuan fushën, duke e detyruar arbitrin të kthejë skuadrat në dhomat e zhveshjes dhe të pezullojë ndeshjen.
Lexo më tej: Paris 2024, sa vlen një medalje? Në Hong Kong një e artë vlen 700 mijë euro, në Indonezi… 5 lopë
Një rishikim me VAR ishte duke u zhvilluar për një pozicion jashtë loje të mundshëm në barazimin 2-2. Pas më shumë se një ore e gjysmë, dy skuadrat u kthyen në fushën e lojës. Arbitri anuloi golin e barazimit për shkak të një pozicioni të parregullt dhe akordoi tre minuta kohë shtesë. Rezultati nuk ndryshoi më. Maroku fitoi 2-1 dhe kështu erdhi surpriza e parë e madhe. Në ndeshjen tjetër, në Parc des Princes, Spanja fitoi ndaj Uzbekistanit (2-1), në fund të një ndeshjeje në të cilën La Roja vuajti më shumë seç pritej.
MASCHERANO: “CIRKU MË I MADH QË KAM PARË”
Reagimi i trajnerit të Argjentinës, Javier Mascherano, ka qenë shumë i ashpër: “Është cirku më i madh që kam parë në jetën time”, gjëmonte trajneri në fund të ndeshjes. “Sot ata pushtuan fushën shtatë herë dhe pastaj na hodhën shashka – vazhdoi ai -. Nuk më kishte ndodhur kurrë si lojtar, siguria dështoi. Goli i realizuar nga Medina? Na thanë se përfundoi 2-2. Jemi në Lojërat Olimpike, jo në një turne lagjesh”. Më pas ish-mesfushori denoncoi një tjetër episod të pakëndshëm, të ndodhur ditët e fundit: “Dje hynë në fushat e stërvitjes dhe na grabitën. Thiago Almadës i mungon një orë dhe disa unaza. Nuk donim të thonim asgjë pas stërvitjes, por kaq. Natyrisht, ne nuk duam që gjëra të tilla të ndodhin”.