Deputeti i Partisë Socialiste, Damian Gjiknuri, i ka bërë një mbrojtje ndryshe paktit që shefi i tij, Edi Rama, bëri me atë ishte zotuar se kurrë nuk do të negocionte, “non gratën” Sali Berisha.
Gjiknuri filloi argumentimin e tij pro paktit Rama-Berisha duke thënë se Kodi i Ri Zgjedhor përmbush të gjitha kërkesat e Gjykatës Kushtetuese për të mundësuar votimin e qytetarëve shqiptarë që jetojnë jashtë territorit të vendit.
“Kodi Zgjedhor që miratojmë sot zgjidh në mënyrë shteruese të gjitha boshllëqet e konstatuara nga Gjykata Kushtetuese për sa i përket votës së qytetarëve shqiptarë që jetojnë dhe punojnë jashtë vendit. Projekti i propozuar me një qasje liberale propozon që çdo shtetas shqiptar që për një arsye pune, shërbimi, apo çfarëdolloj arsyeje jeton për një kohë të gjatë jashtë vendit mund të regjistrohet dhe voton në zgjedhjet e vitit 2025. Zgjedhësi do të regjistrohet në listë të veçantë që administrohet nga KQZ në bashkëpunim me Drejtorinë e Përgjithshme të Gjendjes Civile”, tha Gjiknuri duke vazhduar avokatinë e tij pro paktit të shefit të tij me “non gratën”.
Lexo më tej: Pakt i ri Rama-Berisha për lista pothuajse të mbyllura
Duke u ndalur tek akuzat se marrëveshja zgjedhore nuk i hap listat, Gjiknuri theksoi se “miti i mbylljes së konkurrencës bie nga shifrat dhe përllogaritjet e bëra”.
Gjiknuri tha se me kodin e ri janë në lojë 40 mandate të cilat do të përcaktohen nga qytetarët, më shumë dhe nëse listat do të ishin të hapura. Halli më i madh që ka Gjiknuri, duket se është respektimi i kuotave gjinore.
“Edhe sikur të kemi listat 100%, e dini sa mandate do të ndryshonin në renditje, referuar rezultatit të 2021? Vetëm 34 mandate dhe nuk do kishim garanci për kuotat gjinore. Me sistemin e hapur në lojë, duke respektuar kuotat gjinore, do të ishin në lojë 22 mandate. Ndërsa sot kemi në lojë 40 mandate”, tha Gjiknuri. ©Lapsi.al
O te qifsha kuotat gjinore. Le te fitoje si burre apo si grua por me lista te hapura nuk me rruhet per kuota gjinore.
Kuotat gjinore vetem gjinkalla dhe papagalle ka futur . gerrhushen vemrat ne parlament me keq se nje rrugac rrugesh . Pse ? Per ti pelqyer liderit qe te jene perseri ne listat e mbyllura .
Në PD e drejtojnë hajdut të certifikuar të votave, Noka, Vokshi, Bardhi, Bylykbashi. 47 përqind në rang kombëtar emërohen nga kryetarët.
Mashtrimi publik i Gjiknurit dhe Bylykbashit që mbrojnë listat e mbyllura… në thelbin e vetë këto lista avantazh i jep Edi Ramës dhe më pas Sali Berishës.