Një 62-vjeçar i shpallur në kërkim ndërkombëtar është arrestuar në Gjermani. Sipas njoftimit të policisë për Fadim Ibishin Gjykata e Durrësit ka caktuar masen e sigurisë “Arrest në burg”, për veprat penale “Kanosja”, “Shtrëngimi me anë të kanosjes ose dhunës për dhënien e pasurisë” dhe “Ngacmimi seksual”.
Më tej bëhet me dije se ai ka kanosur një grua për dhënien e 5000 eurove, që të mos publikonte video intime të saj. Gjithashtu, dyshohet se 62-vjeçari ka ngacmuar seksualisht mbesën e po të njëjtës gruas që kërcënonte me videot intime. Pas arrestimit po kryhen procedurat për ekstradimin e tij në Shqipëri.