Inter është favoriti i madh për të fituar titullin kampion 2024-2025. Sipas asaj që analizoi superkompjuteri Opta, në fakt, zikaltrit kanë 79.2% shanse për të përsëritur trengjyrëshin e fituar sezonin e kaluar. Pas Lautaro dhe shokëve të tij vijnë Atalanta (11.2%), përpara Juventus (4.2%) dhe Milan (1.8% që mund të fitojë yllin e dytë). Pritet një dështim për Napolin e Antonio Conte, i pozicionuar pas Romës, Bolonjës dhe Lazios. Venecia, Cagliari dhe Como janë tre kandidatët kryesorë për rënien në Serie B.
Të rikonfirmohesh është gjithmonë gjëja më e vështirë, siç e ka pranuar edhe vetë Simone Inzaghi, trajner i kampionëve të Italisë, Inter. Por për superkompjuterin Opta, kampionati që do të nisë ka vetëm një favorit të madh që sipas shifrave tashmë e ka në xhep titullin. Megjithatë, për fatin të rivalëve të tyre, fjala e fundit i takon gjithmonë fushës dhe nuk është rastësi që as Milan e as Napoli nuk arritën të përsërisin titullin e fituar një vit më parë.
KLASIFIKIMI I STILUAR NGA OPTA
Pasi simuloi sezonin 2024-25 10,000 herë, superkompjuteri Opta ishte në gjendje të mesatarizonte totalin e pikëve të çdo klubi në ato simulime dhe më pas të rendiste skuadrat sipas pozicionit. Këtu janë rezultatet e superkompjuterit Opta nga ato simulime:
1: Inter – 84.9 mesatare pikësh
2: Atalanta – 73.0
3: Juventus – 68.5
4: Milan – 65.6
5: Roma – 63.8
6: Bologna – 63.1
7: Lazio – 62.3
8: Napoli – 58.9
9: Fiorentina – 58.5
10: Torino – 54.5
11: Genoa – 46.3
12: Monza – 44.7
13: Udinese – 44.6
14: Empoli – 41.1
15: Hellas Verona – 39.5
16: Lecce – 38.6
17: Parma – 37.6
18: Venezia – 36.8
19: Cagliari – 36.5
20: Como – 36.2