Zjarri i rënë në fillim të muajit gusht në masivin pyjor të Tërnovës ka shkaktuar dëme të mëdha. Gjithashtu flakët kanë djegur një sipërfaqe prej rreth 300 hektarësh. Flakët në malin e Tërnovës u zhvendosën në malin e Valikardhës ku po i afrohet banesave.
Ndërkohë banorët kërkojnë ndërhyrje para se zjarri të përfshijë banesat. Gjithashtu në terren për shuarjen e flakëve janë angazhuar punonjës të shërbimit zjarrfikës të Bashkisë Bulqizë, të Shërbimit të Pyjeve, administrata etj, por neutralizimi i zjarrit është i vështirë për shkak të terrenit malor.
Autoritetet vendore në Bulqizë vijojnë të kërkojnë ndihmë nga ajri pasi e shohin të pamundur që të vënë nën kontroll zjarrin i cili deri tani ka shkaktuar dëm të madh ekonomik, florën dhe faunën e zonës.