Zhvillim i bujshëm në Premier League. Arbitrat duhet të thonë se cilin ekip mbështesin. Howard Webb, drejtor i PGMOL (Shoqëria e Arbitrave Profesionistë të Futbollit), shpjegoi se arbitrat duhet të bëjnë të njohura simpatitë e tyre të futbollit për të shmangur konfliktet e mundshme të interesit: “Ne do t’u kërkojmë arbitrave të deklarojnë çdo interes të veçantë në fillim të sezonit dhe gjatë sezonit nëse ka ndonjë ndryshim. Ne do t’i shqyrtojmë këto simpati dhe do të bëjmë ndryshime nëse besojmë se mund të ketë një konflikt interesi, nëse dikush pretendon se është tifoz i një skuadre specifike. Ata do të duhet të na bëjnë të ditur nëse kanë luajtur për ndonjë ekip të Premier League dhe nëse ka ndonjë lidhje personale me ndonjë që punon në ato klube. Pastaj ne do të bëjmë një vlerësim dhe do ta marrim parasysh këtë kur të caktojmë arbitrat për ndeshjet”.
Lexo më tej: Thyerje e FPF, minus 70-80 pikë: City përballet me rrëzimin në Championship
Ky vendim është edhe rezultat i polemikave që shpërtheu sezonin e kaluar kur Nottingham Forest u ankua në rrjetet sociale pas humbjes 2-0 ndaj Everton, në të cilën nuk u dhanë tre penallti ndaj tyre në një ndeshje të rëndësishme (të humbur) në luftën për të shmangur rënien në Championship, në të cilën ishte përfshirë edhe Luton Town: “Kishte tre vendime jashtëzakonisht të gabuara, tre penallti që nuk u akorduan – postoi Nottingham në Twitter -. Ne nuk mund ta pranojmë këtë. Para ndeshjes ne informuam PGMOL se personi përgjegjës për VAR ishte një tifoz i Luton, por ata nuk e ndryshuan. Janë duke testuar durimin tonë dhe tani ne duhet të shqyrtojmë opsionet tona”.
🚨 OFFICIAL: Premier League referees will now have to reveal which clubs they support in an attempt to be more transparent towards supporters. 😐 pic.twitter.com/T2eiZujt9p
— Football Tweet ⚽ (@Football__Tweet) August 16, 2024