Ipswich Town ka rënë dakord për një marrëveshje për të nënshkruar me sulmuesin e Chelsea, Armando Broja, në një huazim për një sezon. Dy klubet mbeten në diskutime për një detyrim blerje dhe çmimin që do të përfshihej në këtë rast. Broja po i nënshtrohet ekzaminimeve mjekësor me Ipswich, përpara lëvizjes së propozuar.
22-vjeçari ka qenë duke u stërvitur larg skuadrës së parë të Chelsea që kur u kthye nga turneu parasezonal në Shtetet e Bashkuara në fillim të këtij muaji. Sulmuesi i kombëtares së Shqipërisë dhe klubi anglez po punojnë për të gjetur një shtëpi të re, qoftë në huazim ose përgjithmonë. Sipas The Athletic Chelsea është i përgatitur të lejojë që Broja t’i bashkohet një klubi tjetër në huazim, me një detyrim blerje me vlerë rreth 30 milionë paund.
TRANSFERIM I MODELIT HALL
Do të ketë disa kritere që duhet të plotësohen për një transferim të përhershëm dhe ai konsiderohet si një transaksion shumë i ngjashëm me atë që pa Lewis Hall t’i bashkohej Newcastle United fillimisht në formë huazimi verën e kaluar, përpara se të konfirmohej një lëvizje e përhershme për rreth 28 milionë paund në korrik. Broja ka kaluar më parë periudha në huazim: te Vitesse, Southampton dhe Fulham dhe ka kontratë me Chelsean deri në vitin 2028.
Lexo më tej: Broja: “Milan vetëm pas Real Madrid, jam tifoz i madh i Ibrahimovic”
KATËR SEZONE TE CHELSEA MES HUAZIMESH
Sulmuesi kuqezi ka qenë te Chelsea që kur iu bashkua akademisë së tyre nga Tottenham Hotspur në vitin 2009 dhe bëri debutimin e tij për ekipin e parë në mars 2020. Ai pësoi një dëmtim të ligamentit të kryqëzuar anterior (ACL) në dhjetor 2022, gjë që e mbajti jashtë deri në shtator. Broja më pas iu bashkua Fulham në afatin kalimtar të janarit, por koha e tij e lojës në Craven Cottage ishte e kufizuar, duke bërë vetëm tetë paraqitje dhe duke dështuar të shënonte. Broja më parë ka shënuar nëntë gola në 38 ndeshje për Southampton gjatë sezonit 2021-22, përpara se të kthehej te Chelsea atë verë, ku shënoi një gol në 18 ndeshje para dëmtimit të tij në ACL.
RIVALËT TE IPSWICH
George Hirst ishte zgjedhja e parë e sulmit të Ipswich sezonin e kaluar, por ai është jashtë fushës pasi iu nënshtrua një operacioni në gju këtë verë. Skuadra e Kieran McKenna gjithashtu nënshkroi Liam Delap nga Manchester City këtë afat kalimtar. 21-vjeçari ishte titullar në humbjen e tyre në Premier League ndaj Liverpool të shtunën, me Ali Al-Hamadi që u aktivizua nga pankina.