Shtëpi e ëmbël shtëpi. Thirrja, për İlkay Gündoğan, ishte shumë e fortë. Pas vetëm një sezoni si “djali magjik” te Barcelona, mesfushori gjerman rikthehet te Manchester City. 34-vjeçari ka arritur marrëveshje me klubin anglez: ai kthehet në një transfertë të lirë në skuadrën që ka qenë shtëpia e tij prej shtatë vitesh. Me City Gündoğan fitoi gjithçka dhe ishte kapiten i skuadrës.
GÜNDOGAN RIKTHEHET NGA ERDHI
Marrëveshja është praktikisht e përfunduar. Këtë e ka bërë të ditur gazetari Fabrizio Romano, i cili flet për një marrëveshje të arritur për një kontratë sezonale. Marrëveshja erdhi pas bisedimeve në 48 orët e fundit me teknikun Pep Guardiola, vendimtar në kthimin e një prej liderve të skuadrës së tij në Mançester. Po, sepse Gündoğan ka qenë një pjesë themelore e Citizens gjatë gjithë këtyre viteve, veçanërisht në rrugëtimin e lavdishëm të vitit 2023, i cili përfundoi me suksesin e trefishtë.
🚨🔵 Understand Barcelona have 100% decided to let Ilkay Gündogan leave for free.
Manchester City are working on details of the deal with Gündogan’s agent now in UK to get the comeback done.
As revealed earlier, Pep Guardiola said YES. ✅
Up to Gündo’s green light ⏳ #MCFC pic.twitter.com/RZL1f1R7DT
— Fabrizio Romano (@FabrizioRomano) August 20, 2024
Lexo më tej: Gundogan e telefonata me teknikun Guardiola: “Një nga më të vështirat që duheshin bërë”
NJË ZGJIDHJE QË I BËN TË GJITHË TË LUMTUR
Një thirrje shumë e fortë nga shtëpia dhe një ambjentim që nuk u arrit kurrë. Ky ishte ndoshta kombinimi i faktorëve që e çuan gjermanin të largohej nga Barcelona pas vetëm një sezoni. Gündoğan, i cili mbërriti në Katalonjë verën e kaluar me kërkesë të ish-teknikut Xavi, u la jashtë projektit nga trajneri i ri Flick. Pra, lamtumira duket se është zgjidhja më e mirë për të gjithë: për lojtarin që mund të kthehet në “shtëpi”, por edhe për klubin blaugrana, i cili çlirohet nga një kontratë e rëndë që do të kishte zgjatur edhe dy vjet. E gjithashtu edhe për Guardiolën, i cili do të rifitojë një nga siguritë e tij të vjetra.