Arjan Malko është sjellë në Tiranë nga Emiratet e Bashkuara Arabe. Lajmin e jep Policia e Shtetit përmes një njoftimi për mediat.
NJOFTIM I POLISE SE SHTETIT
Finalizohet një tjetër operacion për sjelljen në Shqipëri të një shtetasi të kërkuar ndërkombëtarisht. Sot më datën 21.08.2024, në kuadër të operacionit të koduar “Para drejtësisë”, nga strukturat e specializuara dhe Forca e Posaçme Operacionale në Departamentin e Policisë Kriminale është realizuar operacioni policor për sjelljen nga Abu Dhabi në Shqipëri e shtetasit në kërkim ndërkombëtar:
A. M, alias E. M, alias E. F.
Ky person është shpallur në kërkim ndërkombëtar nga Interpol Roma, pasi Gjykata e Hetimeve të Torinos, Itali ka lëshuar për këtë shtetas masën e sigurisë personale urdhër “Arrest në burg” më dt.11.04.2024, për veprën penale “Trafikim i lëndëve narkotike”, kryer në bashkëpunim, parashikuar nga legjislacioni penal italian, i cili parashikon maksimumin e dënimit me 20 vjet.
Mire qe nuk keni thene dhe ju u ekstradua, sic po mundohen ta shesin. Thjesht eshte deportuar ne vendin e origjines. Po te ishte per tu ekstraduar, do e dergonin ne Itali e cila e kerkon. Ne tani do e ekstradojme per atje.