Gjatë një vizite të enjten në Arizona, një shtet në kufi me Meksikën ish-presidenti Donald Trump i bëri jehonë mesazhit të tij të fortë mbi sigurinë kufitare.
“Në të djathtën time është ajo që ne e quajmë muri i Trumpit. Ky ishte muri që u ndërtua nën Presidentin Trump”, tha Paul Perez, presidenti i Sindikatës së Patrullës Kufitare që shoqëronte Trump gjatë kësaj vizite.
“Në të majtën time, kemi atë që ne e quajmë muri Kamala, që nuk shërben për asgjë, sepse nuk është i ngritur”, shtoi ai.
Kjo është vizita e katërt, në një seri aktivitetesh të mbajtura këtë javë në ato që njihen si shtete fushëbeteje, ndërsa demokratët po mbajnë Kuvendin Kombëtar në Çikago. Të mërkurën në mbrëmje folësit në kuvend akuzuan Trump se po përdor kufirin për të nxitur bazën e tij duke sulmuar ashpër emigrantët.
Në vizitën kufitare të së enjtes ish-presidentit iu bashkuan edhe disa nëna, fëmijët e të cilëve dyshohet se janë vrarë nga imigrantë të paligjshëm gjatë administratës Biden.
“Dua realisht që të gjithë të kuptojnë se sa i rëndësishëm është kontrolli kufitar, sepse ne po humbasim njerëz shumë të pafajshëm nga krime të tmerrshme”, tha Alexis Nungaray, nëna e 12-vjeçares Jocelyn Nungaray, e cila u vra në Hjuston në muajin qershor.
Gjatë aktivitetit në Arizona, snajperët qëndruan në pozicione të ngritura, me sytë dhe armët e tyre e drejtuara nga Meksika. Forcat e sigurisë dukeshin qartë edhe në anën meksikane të kufirit, mes tyre persona të armatosur me pajisje taktike. Të tjerë mbanin uniforma që i identifikonin si anëtarë të policisë së shtetit meksikan.
“Ajo që Biden dhe Kamala u kanë bërë familjeve që janë këtu me mua dhe shumë të tjerëve, mijëra e mijëra të tjerëve, jo vetëm të vrarë, por edhe të plagosur rëndë, deri në atë një pikë që nuk mund të bëjnë më një jetë normale, është e turpshme dhe e rëndë”, tha Trump.
Këtë javë, Trump ka udhëtuar në Pensilvani, Miçigan dhe Karolinën e Veriut si dhe do të mbajë aktivitete elektorale në Las Vegas dhe në periferi Feniksit, në Glendale, të premten. Kandidati republikan për nënpresident, JD Vance foli në të njëjtin vend pranë kufirit, disa javë më parë./VOA
GLOBALISTE KURVA IA ARRITEN QELLIMIT
O RROTKARIZUAN POPULLIN AMERIKAN
Ne fakt Rothschild qe mbeshtet te majten kishte dal kunder Trump se perfaqeson rrezik per globalizimin. Trump eshte mundesi per ne gjysmen tjeter te jetojme dhe te bejme hajer e te jemi te lire. Kete gje e majta me feneret ndricues Rama &co nuk e duron dot. Ashtu sic nuk duron dot trashegimim e prones dhe pronen private.
Ah se harrova, fut edhe unionistat e Europenisit. Ata jane kthyer ne avokatet e tiranise, ose kane qene gjithe kohes do te thoja pasi paskan qene te etur per informacion e pushtet.