Kryeministri i Kosovës, Albin Kurti ka folur tani për takimin që pati javën e kaluar me kreun e Agjencisë Qendrore amerikane të Inteligjencës (CIA), William Burns, i cili ndaloi në Prishtinë pas dy vizitave të befasishme në Bosnje Heercegovinë e Serbi. Kreu i qeverisë e përshkroi takimin si mjaft konstruktiv, dhe si dëshmi të përkushtimit të Shteteve të Bashkuara të Amerikës ndaj sigurisë në Kosovë.
“Takimi shkoi shumë mirë. Natyrisht që ne kemi bashkëpunim me ShBA-të dhe këtë institucion të rëndësishëm të inteligjencës dhe sigurisë përmes Agjencisë tonë të Inteligjencës. Unë e falënderoj shefin e CIA-s që vizitoi vendin tonë, dhe kjo është dëshmi tjetër e angazhimit të Shteteve të Bashkuara për sigurinë dhe parandalimin e çfarëdo kërcënimi të sigurisë për republikën tonë në kuadër të marrëdhënieve bilaterale me ShBA-të dhe të paqes dhe stabilitetit dhe sigurisë rajonale në Ballkanin Perëndimor”, tha Kurti.
Burns javën e shkuar zhvilloi një “tur” në Ballkan. Ai fillimisht vizitoi Bosnjë-Hercegovinën, më pas Serbinë dhe dy ditë në fund qëndroi në Kosovë. Në Kosovë ka takuar presidenten Vjosa Osmani e kryeministrin Kurti. Nga takimet janë dhënë pak detaje prej udhëheqësve të Kosovës.
CIA nuk eshte qeveri por nje Agjensi spiunimi
KOSOVA ESHTE KOLONI O KOQE
BOLL GENJEVE ME BILATERALE
E quditshme si nuk foli ni fjale te vetem ky shefi yt o patronazhist…per uren e ibrit.! Pate thane se veriu nuk eshte toke e askujt.
Jà Ka shkrue me vones se cka me than , as amerikant nuk i besojn cias