Megan Thee Stallion konfirmoi së fundmi romancën me basketbollistin e Chicago Bulls, Torrey Craig, duke publikuar një video të tyre në TikTok.
Në videon në fjalë, çifti u përgjigjej disa pyetjeve që lidheshin me romancën e tyre. Ndër të tjera ata u përgjigjën se kush tha “të dua” i/e pari/a dhe pranuan se Megan është personi që puth më mirë.
Më parë, Stallion ka qenë në një romancë me Pardison Fontaine. Ata festuan në tetor të vitit 2022 përvjetorin e dytë të lidhjes, ndërsa Megan ishte ende në proces gjyqësor me Tory Lanez, i cili i qëlloi me armë në këmbë. Ata u ndanë në maj të vitit 2023. Më pas reperja u fotografua me futbollistin belg, Romelu Lukaku.
Nga ana tjetër, Craig ka qenë i lidhur me Nicole Zavala dhe është babai i një djali 10-vjeçar, të quajtur Braylon.