Numri i jetëve të humbura në të gjithë botën për shkak të infeksioneve që janë rezistente ndaj medikamenteve që duhet t’i trajtojnë ato mund të rritet me gati 70% deri në vitin 2050. Kjo del nga një studim i ri mbi vështirësitë e luftës ndaj “superbaktereve”.
Nga viti 2025 deri në vitin 2050, bota mund të shohë më shumë se 39 milionë vdekje që i atribuohen drejtpërdrejt rezistencës antimikrobike e njohur si AMR. Rezistenca antimikrobike ndodh kur patogjenët, siç janë bakteret dhe kërpudhat që zhvillojnë aftësinë për të shmangur medikamentet e prodhuara për t’i vrarë ato.
OBSH e ka quajtur AMR, një nga kërcënimet kryesore globale për shëndetin publik dhe zhvillimin. Ajo është fuqizuar nga keqpërdorimi dhe mbipërdorimi i medikamenteve tek njerëzit, kafshët dhe bimët.
“Ne kemi nevojë për vëmendjen e duhur për antibiotikët e rinj dhe administrimin e antibiotikëve në mënyrë që të mund të adresojmë atë që është me të vërtetë një problem mjaft i madh” – tha një nga studiuesit.
Ata zbuluan se nga viti 1990 deri në vitin 2021, vdekjet nga AMR ranë më shumë se 50% tek fëmijët më të vegjël se 5 vjeç, por u rritën më shumë se 80% tek të rriturit 70 vjeç e lart, tendenca që parashikohet të vazhdojnë. ©CNN, LAPSI.al