Cristiano Ronaldo mbetet një kampion brenda e jashtë fushës e këtë nuk harroi ta tregonte edhe në përfundim të ndeshjes me Irlandën, për kualifikueset e Botërorit Katar 2022. Në bilbilin e trefishtë të arbitrit, portugezi ka bërë një gjest të bukur, kur një tifoze e vogël pushtoi fushën për të shkuar të përshëndesë idhullin e saj. CR7, i goditur nga dashuria e vajzës që qante nga emocioni, fillimisht e përqafoi me butësi dhe më pas i dhuroi fanellën e tij.
