Të gjithë e dinë që Paolo Di Canio nuk çmendet për Romelu Lukakun. Vetëm pak muaj më parë, komentatori i Sky Sport, nuk e humbi rastin për të përçmuar cilësitë e qendërsulmuesit belg, duke e quajtur atë “panterë e ngadaltë”. Pavarësisht fitores së zikaltërve në dy javët e para ku Lukaku u bë protagonist i një goli dhe një asisti, megjithatë Di Canio nuk humbi mundësinë për ta kritikuar.
“Unë besoj fuqishëm se Lukaku është shkatërrues kundër skuadrave si Spezia – debutoi Di Canio në Sky Sport -. Sulm në thellësi, forcë… Por duhet të përmirësohet në shumë aspekte të tjera sepse pastaj, kur shkon në një futboll më të avancuar, kundërshtarët nuk lëvizin ‘rastësisht’, kanë lexim, e dinë se çfarë do të bësh”.
Më pas ish-sulmuesi vazhdon: “Ai bën vetëm veprime banale, ku në disa nivele mund të jesh shkatërrues, por i mungojnë bazat: në pjesën e parë humbi 5 topa të thjeshtë, që iu rrotulluan në këmbë. Këtë, në ekonominë e një ndeshjeje elitare futbolli, nuk mund ta lejosh: nëse bën ndalesa të tilla në ndeshje ku të tjerët kanë kontrollin e lojës, rëndon shumë, prandaj ai mungon në këto lloj ndeshjesh”.
Gozhdimi përfundimtar për ndryshimin e opinionit të mediave: “Një gjë më pëlqeu këtë verë: pothuajse të gjithë vëzhguesit pas dy vjetësh i kanë rishikuar mendimet e tyre. Më parë dëgjoja “Lukaku është ndër 3-5 sulmuesit më të fortë në botë” dhe unë mbetesha pa fjalë. Tani dëgjoj “Lukaku TE NE bën diferencën”. E kuptuat! Është ende në kohë për të bërë diferencën edhe në Champions League, është 30 vjeç, por në karrierën e tij ka pasur vështirësi pikërisht për këtë. Këtu është shkatërrues, kush thotë ndryshe?! Edhe në 70% të formës ai bën diferencën, 25-30 gola do t’i bëjë gjithmonë në Itali”.