Dy shqiptarë të moshave 39 dhe 43-vjeç janë arrestuar nga karabinierët e Bolonjës në Itali, si anëtarë të një grupi të shpërndarjes së lëndëve narkotike nëpër qytet. Mediat italiane shkruajnë se operacioni u krye në fillim të kësaj jave.
Bëhet me dije se autoritet pikasën në fillim lëvizjet e dyshimta të 39-vjeçarit që hyri në banesë dhe më tej shoku i tij që doli dhe la derën hapur, teksa bënte edhe mbikëqyrësin e zonës.
Ndërhyrja në aksion dhe kontrolli i ambienteve zbuluan 23 gramë kokainë dhe 720 euro cash, përveç materialit të përdorur për paketimin e drogës.