Për të festuar sulmet terroriste në Bruksel, ISIS ka qerasur me ëmbëlisra banorë në qytetet e Sirisë që i ka nën kontroll.
Fotot janë shpërndarë në internet. Mësohet se ato janë bërë në provincën Deir Ezzor, në pjesën lindore të Sirisë.
Në foto bie në sy që nuk shihet asnjë femër, ndërsa veç fëmijëve marrin ëmbëlsira edhe të rriturit.
Veç fotove organizata terroriste ka shpërndarë edhe një deklaratë ku sqaron se këto ëmbëlsira po jepen për “të festuar dhe bekuar sulmin kundër qytetarëve në Bruksel”.
Nga sulmet e djeshme në metronë dhe aeroportin e Brukselit mbetën të vrarë 34 persona, ndërsa u plagosën me qindra të tjerë./LAPSI.AL/
