Putin “i ra nga Kina”…

Kur Vladimir Putin fluturoi nga Moska për në Hamburg për të marrë pjesë në punimet e Samitit G20, itinerari i ndjekur nga avioni i tij ka qenë i lodhshëm.
FlightRadar24, një faqe që monitoron fluturimet në mbarë globin thotë se avioni i shefit të Kremlinit bëri një rrugë prej 480 kilometrash shtesë për të shmangur hapësirën ajrore të NATO-s.
E njëjta faqe thotë se Presidenti rus nuk zgjodhi rrugën e shkurtër, atë që kalon mbi Bjellorusi dhe Poloni, por nga Moska fluturoi në veri-perëndim. Ai shmangu hapësirën ajrore të Estonisë dhe u fut në atë të Finlandës e Suedisë, dy vende neutrale dhe më pas hyri në hapësirën e Danimarkës dhe Gjermanisë, dy vende anëtare të NATO-s.
I pyetur mbi këtë fakt nga mediat ruse, zëdhënësi i Kremlinit, Dmitry Peskov nuk komentoi gjatë.
“Për ne ka rëndësi siguria e Presidentit gjatë një udhëtimi dhe masat që merren në këto raste janë më të mirat”, tha ai. /TopChannel/