Ed Sheeran mund të ketë qenë një nga fituesit më të mëdhenj të Grammy Awards 2018, por këngëtari nuk erdhi në mbrëmjen gala.
Pasi në skenë u lexua emri i tij dhe çmimet prestigjoze që fitoi përfshirë Best Pop Vocal Album dhe Best Solo Performance për singëllin e tij Shape Of You, prezantuesi ishte i detyruar që të justifikonte mungesën e Ed.
Fansat u lanë të zhgënjyer nga ED, i cili vetëm oak javë më parë u fejua me të dashurën e tij Cherry Seaborn dhe spekuluan mbi vendodhjen e tij.
Por 26-vjeçari, përpara se situata të përkeqësohej arriti të sqarojë ngjarjen.
Duke shkuar në Instagram, ai zbuloi se nuk u shfaq në Madison Square Garden në New York sepse kishte qenë në gjumë.
“U zgjova nga lajmet se kam fituar Grammys mbrëmë. Faleminderit,” – Ed shkroi në Instagram së bashku me një fotografi të maceve të tij, duke shtuar se macet po kërcenin nga qefi për të.
“Shumë dashuri për të gjithë.”
